"ՄԵՆՔ ՇԱՏ ԲԱՆ ՍՈՎՈՐԵՑԻՆՔ ՈՒ ՍԻՐԵՑԻՆՔ ՄԱՆԿԱՎԱՐԺԱԿԱՆԸ"
06.03.2012 թ.
"Մաթեմատիկա և ինֆորմատիկա" ֆակուլտետի երրորդ կուրսի ուսանողուհիներ Սաթենիկ Մանգասարյանը և Սիրանուշ Հայրապետյանը իրենց մանկավարժական պրակտիկան անցկացրել են Երևանի Խաչատուր Աբովյանի անվան թիվ 2 դպրոցում: Նրանք պրակտիկայի ղեկավար Օ.Սահակյանի հետ խորհրդակցելով` 9-րդ "ա" դասարանի աշակերտների համար էքսկուրսիա կազմակերպեցին մանկավարժական համալսարան: Աշակերտները իրենց դասղեկ Մ.Հովհաննիսյանի հետ նախ հյուրընկալվեցին համալսարանի գիտական գրադարանում: Գրադարանի տնօրեն Տիգրան Պետրոսյանցը նրանց ծանոթացրեց գրադարանի սպասասրահում ստեղծված "Գրքի թանգարանի"
ցուցանմուշների հետ: Հանգամանորեն ներկայացվեց համալսարանի պատմությունը,
անցած ճանապարհը, համալսարանն ավարտած անվանի ու հանրահռչակ մարդկանց
պատմությունը: Աշակերտները երկար կանգնեցին "Համալսարանը Արցախյան ազատամարտում"
ցուցավահանակների մոտ: Նրանց գործուն հարց ու պատասխաններով ներկայացվեցին
հայ ժողովրդի Հայրենական պատերազմն ու այդ պատերազմում ներդրում ունեցած
աբովյանցիները: Աշակերտներն անմիջականորեն տեսան պատերազմին մասնակից
համալսարանի դասախոս Աղվան Մխիթարյանին պատկանած զինվորական պարագաները:
Ցուցադրությանը ծանոթանալու ամբողջ ընթացքում աշակերտները պատասխանում էին
իրենց տրված հարցերին, դժվարանալիս` կոլեկտիվ պատասխան էին կազմակերպում,
անգամ որոշում էին իրենց մոտեցումը այնպիսի իրավիճակներին, որ մարդու
կյանքում վճռական դերակատարություն են ունենում, առավել ևս, որ խոսքը
վերաբերում է Հայրենիքին ու այն սիրելու, պահպանելու խնդրին: Երբ թանգարանում խոսակցությունն ավարտվեց` աշակերտուհիներից մեկն ասաց. "Մենք
շատ բան սովորեցինք ու սիրեցինք մանկավարժականը, որովհետև կյանքի բոլոր
բնագավառներում աշխատողներին սովորեցնում ու դաստիարակում են հենց
մանկավարժները, որոնք հիմնականում այս համալսարանի ավարտողներն են: Ես
դպրոցն ավարտելուց հետո անպատճառ կգամ այստեղ սովորելու":
Աշակերտների հաջորդ կանգառը գիտական գրադարանի նորաբաց հումանիտար
գրականության ընթերցասրահն էր: Գրադարանի տնօրենը ներկայացրեց նոր
ընթերցասրահի տեխնիկական հնարավորությունները, խոսեց սպասարկման գործում
համակարգչային գիտելիքների մասին, ծանոթացրեց ընթերցասրահից օգտվելու
հնարավորություններին և ասաց, որ աշակերտները ևս կարող են օգտվել
համալսարանի գրադարանից և որ նրանց ևս, ինչպես այդ պահին ընթերցասրահում
գտնվող տասնյակ ուսանողներին, գրադարանի աշխատողները սիրով կսպասարկեն և
նշեց, որ երբ այսօրվա իներորդ դասարանցիները դպրոցն ավարտեն` համալսարանի
գրադարանը տեխնիկապես առավել մեծ հնարավորություններ կունենա: Նա
աշակերտներին կոչ արեց լավ, առավել լավ սովորել և անպատճառ ուսումը
շարունակել մանկավարժական համալսարանում, որի ուսանողները` Սաթենիկն ու Սիրանուշը այս օրերին նրանց ուսուցանել են և նրանց մեջ մանկավարժ դառնալու ծիլեր գցել: Գրադարանից աշակերտները ուղղվեցին ինֆորմատիկայի ամբիոն: Այստեղ նրանք ծանոթացան նոր տեխնիկայի, սարքավորումների հետ: Աշակերտների ոգևորությունը մեծ էր և շատերը կրկնեցին "Ես անպատճառ կսովորեմ այս համալսարանում" նախադասությունը: Այցի վերջում աշակերտները, դասղեկը, ուսանող-պրակտիկանտները լուսանկարվեցին Խաչատուր Աբովյանի կիսանդրու մոտ:
Վերջերս ՀՀ Նախագահ Սերժ Սարգսեանի հրամանագրով արձակագիր, «Մարմարա» օրաթերթի
գլխաւոր խմբագիր Ռոպէր Հատտէճեանը եւ նշանաւոր բանաստեղծ Զարեհ Խրախունին
պարգեւատրուել են ՀՀ բարձրագոյն «Սուրբ Մեսրոպ Մաշտոց» շքանշանով, իսկ թատերագիր
Արման Վարդանեանը` «Մովսէս Խորենացի» մեդալով (երեքն էլ` Ստամբուլ, Թուրքիա):
Ընդգծենք, որ Ռ. Հատտէճեանն ու Զ. Խրախունին Խ. Աբովեանի ան. հայկական պետական
մանկավարժական համալսարանի սփիւռքահայ գրականութեան պատմութեան դասընթացի ծրագրային
հեղինակներ են եւ նրանց մասին հանգամանալից դասախօսում են բանասիրական բաժանմունքի
4-րդ ու մագիստրատուրայի առաջին լսարաններում: ՀՀ բարձրագոյն պարգեւներին
արժանանալու առթիւ «Սփիւռք» Գիտաուսումնական Կենտրոնը պատրաստել է ցուցապաստառներ,
որոնք ամփոփ տեղեկութիւն են տալիս հեղինակների մասին: Ստամբուլի երեք աւագագոյն
հեղինակների գրքերը֊ լուսանկարները եւ ուսանողների սարքած տեղեկատու վահանակները
լաւագոյնս պատմում են Ստամբուլի համայնքի այսօրուայ գրական աշխոյժ ու արգասաբեր
կեանքի մասին։ Ինչպէս ստամբուլեան անկիւնի բացման ժամանակ դիպուկ նկատեց
համալսարանի գրադարանապետ Տիգրան Պետրոսեանցը, այս ամէնը գալիս են ապացուցելու, որ
Վոսփորի ափին ծաւալուած գրական հզօր շարժումը մնում է լաւագոյնը Սփիւռքի բոլոր
միջօրէականներում։ Իսկ դա մեր բոլորիս հարստութիւնն է։ Ինչպէս հաստատում
է «Սփիւռք» Գիտաուսումնական Կենտրոնի տնօրէն, սփիւռքահայ գրականութեան պատմութեան
դասախօս, Պրօֆեսոր Սուրէն Դանիէլեանը, արեւմտահայ գրականութեան շարունակականութիւնն
է տեսնում այս երեւոյթի մէջ, մխիթարութիւն, որ այն դեռեւս շնչում է, յարատեւում՝
ապրեցնելով այդ գրականութեան շքեղ տոհմածառը։ Ընդգծենք, որ Ռ. Հատտէճեանը, Զ.
Խրախունին եւ Արման Վարդանեանը հայրենի ուսանողների ու երիտասարդ գրականագէտների
հետաքրքրութիւնների ծիրում են. նրանց մասին գրուել եւ գրւում են
աւարտաշարադրանքներ, թեզեր, թեկնածուական ատենախօսութիւններ:
2011
թ-ի այս նույն օրը` փետրվարի 25-ին` Անդրանիկ Զորավարի ծննդյան օրը,
Խաչատուր Աբովյանի անվան հայկական պետական մանկավարժական համալսարանի
գիտական գրադարանում առաջին անգամ ցուցադրվեցին Անդրանիկ Օզանյանին ուղղված
Խաչատուր Կարճիկյանի նամակն ու Հովհաննես Շիրազի "Անդրանիկի սուրը"
բանաստեղծության ինքնագիրը: Այսօր` 2012 թ-ի փետրվարի 25-ին այդ
փաստաթղթերը հրատարակվել են "Ազգ" օրաթերթում "Զորավարի տարեդարձը" ընդհանուրի տակ: Շնորհակալություն ասենք "Ազգ" օրաթերթի խմբագրությանը և ներկայացնենք փաստաթղթերը:
Տես`http://azg.am/AM/2012022520
ԽԱՉԱՏՈՒՐ ԿԱՐՃԻԿՅԱՆԻ ՆԱՄԱԿԸ
ԱՆԴՐԱՆԻԿ ԶՈՐԱՎԱՐԻՆ
Այսօր
Զորավար Անդրանիկ Օզանյանի ծննդյան տարեդարձն է, եւ դա մեկ անգամ եւս առիթ
է անդրադառնալու նրա գործունեությանը, խոնարհումի եւ արժեւորման համեստ
խոսք ասելու:
Առաջին հայացքից բոլորիս համար
կարծես թե ակնհայտ է դարձել, որ Զորավար Անդրանիկի կյանքի եւ մարտական
փառահեղ ուղու վերաբերյալ որեւէ նոր բան ասել կամ ավելացնել հնարավոր չէ:
Սակայն նորություններ, թեպետ շատ հազվադեպ, բայց եւ այնպես լինում են:
Ահավասիկ,
նման մի նորահայտ փաստաթղթի ենք ցանկանում «Ազգ»-ի ընթերցողներին
ծանոթացնել, որը ոչ միայն ընդգրկված չէ Զորավարի գործունեությունն
արտացոլող փաստաթղթային հրապարակումներում, այլեւ մինչ այժմ անհայտ է
մնացել ուսումնասիրող շրջանակների համար: Դա 1916թ. փետրվարի 26-ով
թվագրված Խաչատուր Կարճիկյանի նամակն է Զորավարին:
Այստեղ
տեղին է հակիրճ ներկայացնել Կարճիկյանի անձը, քանզի նա քիչ է հայտնի
հանրությանը: ՀՅԴ անդամ Խաչատուր Հովհաննեսի Կարճիկյանը (1882-1918) 20-րդ
դարի առաջին քառորդի անվանի կուսակցական-պետական գործիչներից է: Առաջին
աշխարհամարտի սկզբից նա Հայոց ազգային բյուրոյի կազմում ակտիվորեն
մասնակցել է հայ կամավորական գնդերի կազմավորմանը: Երբ 1917թ. փետրվարյան
հեղաշրջումից հետո Ռուսաստանի ժամանակավոր կառավարությունը ստեղծեց
Արեւմտյան Հայաստանի գեներալ-կոմիսարությունը, Կարճիկյանը նշանակվեց
կոմիսարի առաջին տեղակալ Հ. Զավրյանի խորհրդական, եղավ Հայոց ազգային
խորհրդի անդամ: Նորաթուխ Այսրկովկասյան կոմիսարիատում եղել է ֆինանսների
նախարար ՀՅԴ մանդատով, ապա` Այսրկովկասյան Սեյմում` ՀՅԴ խմբակցության
նախագահ: Իսկ արդեն Հայաստանի առաջին հանրապետության հռչակումից հետո`
ֆինանսների նախարար եւ արդարադատության նախարարի պաշտոնակատար, ապա` 1918թ.
նոյեմբերին ստեղծված ՀՅԴ-Ռամկավարներ կոալիցիոն կառավարության կազմում`
հանրային խնամատարության ու աշխատանքի նախարար` միաժամանակ կատարելով
ֆինանսների նախարարի պարտականությունները: Սպանվել է 1918թ. նոյեմբերի
11-ին աշխատասենյակում, սպա Եգոր Տեր-Մինասյանի կողմից:
Եվ
այսպես, ի՞նչ է հրապարակվող այս նորահայտ նամակը: Նախ, կրում է մտերմիկ
բնույթ ու վկայում է Անդրանիկի եւ Կարճիկյանի մարդկային հոգեհարազա
... Читать дальше »
«The biggest achievement in the world can be the establishment of a
democratic country and transparent political field,» the deputy
president of «Nig-Aparan» union Tigran Petrosyants said today. He sees
«pure» elections as the way to any elections, when a person goes to the
elections and votes «in accordance with his will».
Nevertheless, T. Petrosyants told the journalists that their company is
going to back up the Armenian Republican Party at the elections for
Yerevan self-government bodies.
«We want to have a carrier of the kind of state way of thinking who will
lead tomorrow's Yerevan in a better, stronger, more democratic way,» T.
Patrosyants said.
According to «Nig-Aparan» deputy president, our newly-independent state
facing a war situation, still needs «a strong hand and a person who will
manage to become a unifier.»
T. Petrosyants underscored that «he will welcome any of the political powers to win in the elections.»