ՍՈՒՍԱՆՆԱ ՄԻՆԱՍՅԱՆ: Այսօր 2014 թվականի մարտի հինգն է. օր, որ մեզ համար նշանավորվեց մի կարևոր,շրջադարձային իրադարձությամբ ... Իմ կյանքի կարևորագույն հավատամքն ու կարգախոսն է փաստացի գործելը, ինչի երջանիկ ականատեսը ես եղա այսօր. հարգարժան պարոն Պետրոսյանցը, իմանալով, որ իմ որդին՝ Շահենը, պատմության մեծ սիրահար է և մշտապես հետևում է իր կողմից զետեղվող տեղեկատվությանը, առաջարկեց մեզ անձամբ հանդիպել: Մենք արժանացանք չափազանց ջերմ, անմիջական ընդունելության: Պարոն Պետրոսյանցի՝ իմ որդուն տրամադրած մի քանի րոպեներն այնքան իմաստալից և խրատական էին, որ, կարծում եմ, դրանք բազմիցս կհիշեցնեն իրենց մասին՝ Շահենի կյանքի քառուղիներում:
Այդ հաճելի հանդիպումն ավարտվեց պարոն Պետրոսյանցի հեղինակած << 1000 հայազգի գեներալներ, ծովակալներ >> գրքի ընծայումով: Այսօրվա հանդիպումն ինձ համար նշանավորնեց՝ որպես դաստիարակչական, մարդասիրական և ազգանվեր մի գործ, քանզի այդքա՜ն բազմազբաղ առօրյա ունեցող մարդն իր թանկարժեք ժամանակից հատկացրեց մի աշակերտի, որը, դեռևս, չունի հարուստ կենսափորձ, կոչումներ, սակայն նա այսօր առինքնեց կարևորագույն << մարդ >> կոչման լավագույն օրինակներից մեկը, ինչի համար մեր խորին երախտիքն ենք հայտնում Ձեզ, հարգարժան պարոն Պետրոսյանց ...