ԽԱՉԵՆԻ ՏԵՐ, ՄԵԾ ԻՇԽԱՆ ՀԱՍԱՆ-ՋԱԼԱԼԻ ԶԻՆԱՆՇԱՆԻ ՏԱՐԲԵՐԱԿ
Այս զինանշանին ներկայացված խորհրդանշաններից իրական են միայն իրար
դեմ-դիմաց կանգնած առյուծները: Այդ բարձրաքանդակային պատկերրը առկա է
Գանձասարի վանքի գավթի մուտքի բարավորին /բնօրինակից պակասում
է գնդի պատկերը, որ հենց զինանշանային կարևորագույն էլեմենտ է և
իշխանության խորհրդանիշ/: Մյուս պատկերները, ճիշտ է, առկա են Գանձասարի
վանքային կառույցների տարբեր մասերում, բայց բուն զինանշանի մաս չեն
կազմում: Այդ իսկ պատճառով նշյալ խորհրդանիշը համարում եմ Հասան-Ջալալի
զինանշանի վերականգնման տարբերակ: Իսկ առյուծների իրական պատկերի
զինանշանային լինելու մասին ես գրել եմ 1988 թ-ին և հոդվածը տպագրվել է
՛՛Սովետական Ղարաբաղ՛՛ թերթում:
