Այս պատկերը փորագրված է Վայոց Ձորի Գոմք գյուղի
որմնափակ մատուռի հետնամասի ստորին հատվածում: Ինքը մատուռը սկզբունքորեն
կառուցվել է որպես զինանշանային ամբողջություն: Դիմային մասում քանդակված է
Օրբելյան իշխանական տան խորհրդանի
շ ճանկող
արծիվը: Մատուռի դիմային մասի զինանշանի օրգանական մաս է նաև մատուռի
հետնամասի սույն պատկեր: Այստեղ դեմ հանդիման քանդակված են առյուծ և ցուլ:
Սովորաբար ուսումնասիրողները այս հարթաքանդակը դիտարկել են որպես
զարդաքանդակ, իսկ երբեմն էլ դրան վերագրել են մահվանը հաղթահարելու
գաղափար: Մենք դեռևս 2005 թվականին հրատարակած ՛՛Հայկական իշխանական
զինանշաններ՛՛ գրքում սույն պատկերը ներկայացրել ենք որպես Օրբելյանների
ընտանիքին, կամ նրանց կրտսեր ճյուղերից մեկին, կամ նրանց ենթակա՝ ստորադաս
իշխանական տներից մեկին պատկանող զինանշան: Սակայն լրացուցիչ մտորումները
հաստատում են, որ սա ևս Օրբելյանների ընտանիքի զինանշաններից է: Առյուծի և
նրա առաջ ծնկածալ ցուլի պատկերով զինանշան ունեին Սյունյաց թագավորները:
Այն քանդակված է Ցախաց Քար եկեղեցու պատին: Օրբելյանները ժառանգորդության
սկզբունքը հաստատելու նպատակով որդեգրել են սույն թեման և քանդակել են տվել
տվյալ հուշարձանի վրա: Սրանով այս պատկերը հասկանալիորեն զինանշանային
քանդակ է:
