Տիգրան Պետրոսյանց (Տիգրան Հայազն)
Главная | Նորություններ | Регистрация | Вход
 
Пятница, 03.02.2023, 16:37
Приветствую Вас Гость | RSS
ՏԻԳՐԱՆ ՀԱՅԱԶՆ

Հայտարարություն

Կայքը սահմանում է "Հայոց թագի արժանյաց" շքանշան

Կայքի քարտեզը
Գրքեր

Տիգրան Հայազնի "1000 հայազգի գեներալներ, ծովակալներ" գիրքը ձեռք բերելու համար զանգահարել

098260351, 055260351

Արժեքը' 4000 դրամ

Հարցում
Գնահատեք իմ կայքը
Всего ответов: 1529
Վիճակագրություն

Онлайн всего: 1
Гостей: 1
Пользователей: 0
Главная » 2012 » Сентябрь » 9 » ՏԻԳՐԱՆ ՊԵՏՐՈՍՅԱՆՑԻ ԳՐԱՌՈՒՄԸ ՖԵՅՍԲՈՒՔՈՒՄ
02:14
ՏԻԳՐԱՆ ՊԵՏՐՈՍՅԱՆՑԻ ԳՐԱՌՈՒՄԸ ՖԵՅՍԲՈՒՔՈՒՄ
ՀԱՅՈՑ ԱՇԽԱՐՀ
՞ՏԻԳՐԱՆԱԿԱՆ՞

ԱՊԱԳԱ ՀԱՅԱՍՏԱՆԻ ԿԱՌԱՎԱՐՄԱՆ
ԿԱՌՈՒՑՎԱԾՔԻ ՏԵՍԼԱԿԱՆԸ


Քանի որ ,,ֆեյսբուքյան,, տարածքում սկսվել է Հայաստանի ապագա կառավարման կառույցի տեսլականի ընդգրկուն քննարկումը /Դավիթ Միրզոյանը ներկայացրել է իր մոտեցումները, Խաչիկ Մանասելյանը ներկայացրել է ապագա Սահմանադրության որոշ մանրամասներ/, ես նույնպես ներկայացնեմ այն մոտեցումները, որոնց շուրջ մտորում եմ արդեն 30 տարի ու նաև որոշակիորեն ձևակերպել եմ շուրջ կես դար առաջ:
Ամեն ինչ որոշակի ձևակերպում է ստացել 1988 թվականին իմ և համախոհներիս կողմից ստեղծված ,,Հայաստանի Թագավորական կուսակցություն,, քաղաքական կազմակերպության ծրագրում: Երկու խոսք այդ կուսակցության մասին: Եռամյա գործունեությունից հետո կուսակցության ծրագիրն ու կանոնադրությունը 1991 թվականի կեսերին ներկայացվել է գրանցման և պետական վավերացում է ստացել 1992 թվականի ապրիլի 15-ին: Քաղաքական հայտարարություններով, միջոցառումներով մասնակցել է Հայաստանում ծավալված քաղաքական գործընթացներին, տարբեր մակարդակների ընտրություններին: Կուսակցության որոշ անդամներ ընտրվել են շրջխորհուրդների պատգամավորներ, գյուղապետեր: Կուսակցությունը հայտ է ներկայացրել մասնակցելու 1995 թ-ին անցկացված ՀՀ Ազգային ժողովի ընտրություններին, հավաքել է մասնակից բոլոր կուսակցություններից ավելի ստորագրություններ, բայց օրվա իշխանությունների կողմից հանվել է ընտրապայքարից: Կուսակցությունն իր գաղափարախոսությունը տարածել է ,,Անբերդ,, պաշտոնաթերթի միջոցով: 2004 թվականին կուսակցությունը վերագրանցման հայտ չի ներկայացրել և 2006 թվականին դատարանի որոշմամբ լուծարվել է /տես http://hy.wikipedia.org/wiki/Հայաստանի Թագավորական կուսակցություն, Գէորգ Եազըճեան, Հայաստանի 1985-1991 թուականներու պարբերական մամուլը, Անթիլիաս, 2004, էջ 129-130/:

Ըստ Հայաստանի Թագավորական կուսակցության ծրագրի Հայաստանը դառնալու էր բացարձակ միապետություն /թագավորություն/ միապետի /արքայի/ գլխավորությամբ: Ոչ թե սահմանադրական միապետություն, որտեղ միապետ-արքան ձևական անձ է:


Պետության կառուցվածքը՝

- նահանգներ
- գավառներ
- ազատ /մեծ/ քաղաքներ
- գյուղեր

Համայնքներ՝

- մայրաքաղաք
- ազատ /մեծ/ քաղաքներ
- նահանգային գյուղաքաղաքներ
- գյուղեր

Կառավարման բուրգ՝

- միապետ /արքա/
- գործակալներ /նախարարներ/
- ռազմական կառույցների ղեկավարներ
- դատական կառույցների ղեկավարներ
- նահանգապետեր
- ազատ /մեծ/ քաղաքների քաղաքապետեր
- գավառապետեր
- գյուղապետեր

Միապետը /անքան/ գործելու է Արդարության օրենքներով և պետությունում բոլորի հանդեպ Հոր սկզբունքով:


Միապետի /արքայի/ խորհուրդ /գործադիր և օրենսդիր իշխանություն/՝

- միապետ /արքա/, թագուհի, ավագ արքայազն, խորհրդականներ, գործակալ-նախարարներ, ռազմական կառույցների ղեկավարներ, դատական կառույցների համապետական ղեկավարներ, նահանգապետեր, ազատ /մեծ/ քաղաքների քաղաքապետեր:

Միապետի /արքայի/ խորհրդի սկզբունքով կազմվելու են նաև բուրգի ստորին աստիճանների խորհուրդները:


Նահանգային խորհուրդ՝

- նահանգապետ, խորհրդականներ, նահանգային գործակալներ, նահանգային դատական կառույցի ղեկավար, գավառապետեր, նահանգային կենտրոնի քաղաքապետ:

Գավառապետի խորհուրդ՝

- գավառապետ, գավառական գործակալներ, գավառական դատական կառույցի ղեկավար, գյուղապետեր, գյուղաքաղաքի քաղաքապետ:

Գյուղապետի խորհուրդ՝

- գյուղապետ, գյուղապետարանի գործակալներ, դատական քննիչ:

Չի բացառվում, որ բոլոր մակարդակների խորհուրդներում կարող են ընդգրկվել նաև հայտնի մտավորականներ:


Երկրում ընտրովի որևէ պաշտոն չի լինի:

- գործակալ-նախարարներին, ռազմական կառույցների ղեկավարներին, դատական համապետական կառույցների ղեկավարներին, նահանգապետերին, ազատ /մեծ/ քաղաքների քաղաքապետերին նշանակում է միապետը /արքան/
- գավառապետերին միապետի /արքայի/ համաձայնությամբ նշանակում է նահանգապետը
- գյուղապետերին նահանգապետի համաձայնությամբ նշանակում է գավառապետը:

Երկրում ամբողջ տնտեսությունը ազգայնացվելու է և համարվելու է միապետի /արքայի/ սեփականությունը:


Երկրում ստորին օղակից մինչև վերին օղակ գործելու է հարկադրման մեկ չափաքանակ՝ 10 տոկոս /սա պատմական տասնորդի կրկնությունն է և բավարարելու է երկրի բոլոր կենսական պայմաններին/:


Երկրի անվտանգության հարցերը, արտաքին քաղաքականությունը, այլ պետությունների հետ հարաբերությունները, սոցիալական հավասարության հարցերը տնօրինում է միապետը /արքան/:



Ահա այն մոտեցումները, որ որպես տեսլական եղել են Հայաստանի Թագավորական կուսակցության ծրագրային հիմնական դրույթները:


Ներկայացնելով այս դրույթները, միաժամանակ ի լուր ամենի հայտնում եմ, որ շարունակաբար ,,ֆեյսբուքյան,, իմ էջի գրառումները հղելով ,,ՀԱՅՈՑ ԱՇԽԱՐՀ, ՞ՏԻԳՐԱՆԱԿԱՆ՞,, միտքին փորձել եմ վերակենդանացնել ,,Հայաստանի Թագավորական կուսակցությունը,,:

Համոզված եմ, որ վերը շարադրված գաղափարների իրագործման համար կուսակցության վերակազմակերպումը առաջին պայմանն է:


Տիգրան ՊԵՏՐՈՍՅԱՆՑ /Տիգրան ՀԱՅԱԶՆ/
Просмотров: 462 | Добавил: tigranhayazn | Рейтинг: 5.0/2
Всего комментариев: 0
Имя *:
Email *:
Код *:
Մուտք
Օրացուց
«  Сентябрь 2012  »
ПнВтСрЧтПтСбВс
     12
3456789
10111213141516
17181920212223
24252627282930
Տեսանյութեր
Ֆեյսբուկ
Այցելություն
Արխիվ

Copyright MyCorp © 2023Сделать бесплатный сайт с uCoz