Նոյեմբերի 1-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 75-րդ հանդիպումը:
Հանդիպման սկզբում Տիգրան ՊետրոսՅանցը խոսեց նախորդ օրը Երևանում երիտասարդության մի հատվածի կողմից օտար, անհասկանալի, ցավալիորեն հայկական արժեհամակարգը վիրավորող տոնակատարության մասին: Նա նշեց, որ այդ սատանայապաշտ տոնակատարության մուտքը Հայաստան ապահովում են վտանգավոր խնդիրներ հետապնդող, ապազգային, աշխարհաքաղաքացի ու ազգային պատկանելություն չունեցող գրանտակեր կենտրոններ ու տարրեր: Այսօրինակ վիճակը հղի է ամեն տեսակ ապազգայնացմամբ և երիտասարդության որոշակի հատվածի տանում է դաստիարակության այլ ուղղությամբ: Նման վիճակն առաջին հերթին պետք է անհանգստացնի Հայաստանի անվտանգության մարմիններին, քանի որ գնում է ուղղակի հակաազգային քարոզ: Անհրաժեշտ է վնասազերծել հակազգային նման պրոպագանդայով զբաղված կենտրոնները:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Աշխեն Մելքումյանը /«Ես ինչպես գնամ»/, Թագուհի Պետրոսյանը /«Չասված խոսքեր», «Անվերնագիր»/, Միշա Թադևոսյանը /«Գրքիս շապիկին», «Հերթի կանգնեք»/, Շուշան Հակոբյանը /«Նվիրում»/, Վահե Խալաֆյանը /«Էլ չունեմ ոչինչ ես ստանալիք», «Ես խենթի նման սիրում եմ կյանքը», «Լիցքեր»/, Մարգարիտա Հովսեփյանը /«Դրվածքն աշխարհի / Քոսոտ այծը»/, Իշխան Բադալյանը /«Հայաստան», «Հայկի երկիր, Հայաստան», «Ցնծա, հոգիս», «Հոսում է հոսելին»/: Բոլոր ստեղծագործությունների շուրջ ծավալվեցին քննարկումներ:
Հանդիպման «Մշակութային լուսանցք» բաժնում Մարգարիտա Հովսեփյանը կատարեց երգիծական «Նախագահի կին եմ ես» երգը, Միշա Թադևոսյանը՝ «Տարիներ», «Մշո գորանի» երգերը, Արմեն Ջորջը` «Երևան» երգը:
Շուշան Հակոբյանն առաջարկեց ստեղծել «Չորեքշաբթի» գրական ակումբի դրոշ, դիմանիշ /բեյջ/:
Տիգրան ՊետրոսՅանցը նշեց, որ այդ ուղղությամբ աշխատանքներ տարվում են: Արդեն պատրաստ է և հավանության է արժանացել «Չորեքշաբթի» գրական ակումբի խորհրդանիշը, որով ակումբը հաստատել է իր «ԶՈՐԱՎԱՐ» հիմնադրամի մաս լինելու հանգամանքը: Դրոշը կպատրաստվի սպիտակ պաստառից 1:2 հարաբերակցությամբ և կենտրոնական մասում կկրի «Չորեքշաբթի» գրական ակումբի խորհրդանիշը: Մտածվել է նաև դիմանիշի կերպարը /այն այս հաղորդագրության մեջ ներկայացվում է/: Ընդունելի լինելու դեպքում կպատրաստվի յուրաքանչյուր անդամի համար:
Իշխան Բադալյանը Տիգրան ՊետրոսՅանցին նվիրեց տասնամյակներ առաջ Բեյրութից բերված Հայաստանի Առաջին Հանրապետության զինանշան–խորհրդանիշի կրծքանշանը: Տիգրան ՊետրոսՅանցը Իշխան Բադալյանին նվիրեց Հայաստանի զինված ուժերի զինանշան–խորհրդանիշը:
2014 թ–ի հոկտեմբերի 29-ին, «ԶՈՐԱՎԱՐ» հիմնադրամը, հայ պետական, քաղաքական, ռազմական գործիչ Արամ Մանուկյանի 135–ամյակի առթիվ, «Արամ Խաչատրյան» մեծ համերգասրահում կազմակերպեց «ԱՐԱՄ ՄԱՆՈՒԿՅԱՆ 135 . ՈԳԵԿՈՉՈՒՄ–ՀԱՄԵՐԳ» միջոցառումը:
Համերգասրահի դահլիճի կամարների տակ առաջին անգամ հնչեց բեյրութցի երգիչ Րաֆֆի Հալեպլեանի «Արամ Մանուկյան» երգը /ձայնագրվել է 2010 թ–ին/:
Համերգավարներ Լուսինե Համբարյանը և Աշխեն Մելքումյանը բացեցին միջոցառումը:
Միջոցառումը Տերունական աղոթքով օրհնեց Մայր Աթոռ Սուրբ Էջմիածնի միաբան Տեր Թորգոմ վարդապետ Տոնիկյանը:
Արամ Մանուկյանին նվիրված զեկուցումով հանդես եկավ «Զորավար» հիմնադրամի տնօրեն, Խաչատուր Աբովյանի անվան հայկական պետական մանկավարժական համալսարանի գիտական գրադարանի տնօրեն, պատմաբան Տիգրան Պետրոսյանցը:
Համերգային բաժնը սկսվեց Տիգրան ՊետրոսՅանցի «Արամ Մանուկյան» բանաստեղծությամբ, որը ներկայացրեցին Լուսինե Համբարյանը և հեղինակը:
Ելույթ ունեցան հայրենասիրական երգերի կատարող Սահակ Սահակյանը /«Գինի լից»/, Հայաստանի Հանրապետության ոստիկանության մշակույթի կենտրոնի մանկական երգչախումբը /«Ոստիկանություն»/ և «Նկարագիր» պարախումբը /«Հրեշտակներ»/, Հայաստանի Հանրապետության վաստակավոր արտիստ Արսեն Գրիգորյանը /«Հառաչանք», «Արամի երգը», «Արծիվ սլացիր»/, «Կարին» երգի-պարի ավանդական խումբը /«Շատախի ռազմապար», «Յարխուշտա»/, «Վան» ավանդական երգի-պարի համույթը /«Դեպի Վան»/, Արսեն Համբարյան /«Ձայն մը հնչեց», «Հաղթականչ»/, Գոռ Մեծոյանը /«Տարեք, կռունկներ, մեր փափագը մըր Էրգիր», «Էրգրիս հողը»/, Տաթև Պիչոյանը և Անի Մելքոնյանը /«Վերադարձ», «Օրոր»/, Տաթևիկ Այվազյանը /«Հայաստան աշխարհ»/, Տիգրանուհի Արմենակյանը /«Կիլիկիա», «Թռչեի մտքով տուն»/, Լիլիթ Համբարձումյանը /«Հայաստան» /հեղինակ` Լիլիթ Համբարձումյանի/, «Հայաստան» /հեղինակ` Գուսան Ոսկեհատ/, Լուսինե Տոնոյանը /«Հայաստան», «Մենք ենք, մեր սարերը»/, Վարդան Գալստյանը /«Քաջ զինվոր», խոսք՝ Աշոտ Գալստյանի, երաժշտություն՝ Վարդան Գալստյանի/:
Համերգն ավարտվեց «ԶՈՐԱՎԱՐ» երգի հնչյունների տակ /խոսք՝ Տիգրան ՊետրոսՅանցի, երաժշտություն՝ Լիլիթ Համբարձումյանի/:
ԽՈՍՔ ԱՐԱՄ ՄԱՆՈՒԿՅԱՆԻ ՄԱՍԻՆ /29 հոկտեմբերի 2014 թ., Երևան, Արամ Խաչատրյան համերգասրահ/
Հոկտեմբերի 25-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 74-րդ հանդիպումը:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Հռիփսիմե Մարտինյանը /«Կուզեի լինել»/, Աստղիկ Հակոբյանը /«Անվերնագիր»/, Աշխեն Մելքումյանը /«Սիրելիս»/, Մարգարիտա Հովսեփյանը /«Սրտիս հատորը»/, Իշխան Բադալյանը /ութը քառյակ/, Շուշան Հակոբյանը /«Ասում ես գրեմ», «Այնպես եմ սիրում», «Բանաձև»/: Բոլոր ստեղծագործությունների շուրջ ծավալվեցին քննարկումներ:
Հանդիպման «Մշակութային լուսանցք» բաժնում Մարգարիտա Հովսեփյանը կատարեց ազգագրական «Իմալ ենեմ» երգը, Աստղիկ Հակոբյանը՝ «Դու էլ գիտես» երգը, Արմեն Ջորջը` «Հայրենիք» երգը: Նանա Մկրտչյանը կարդաց Պարույր Սևակի «Ախր քեզ ինչպես ասեմ» բանաստեղծությունը, Արփինե Գևորգյանը ներկայացրեց ռուսերենից իր կատարած քառյակի թարգմանությունը:
Պատմաբան, մշակութաբան Ռուբեն Նահատակյանը և ճարտարագետ, մշակութաբան, բանաստեղծ, թարգմանիչ Հրաչյա Հարությունյանը ներկայացրեցին վերջինիս բանաստեղծություններից մի քանիսը: Հրաչյա Հարությունյանը «Չորեքշաբթի» գրական ակումբին և Մանկավարժական համալսարանի գիտական գրադարանին նվիրեց իր թարգմանած «Պարականոն ավետարաններ» գրքի Ա հատորի մի քանի օրինակ:
Հոկտեմբերի 18-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 73-րդ հանդիպումը:
Տիգրան ՊետրոսՅանցը հանդիպման սկզբում նշեց, որ նախատեսվում էր հանդիպում Հայաստանի, Արցախի, Մորավիայի, Չեխիայի նկարիչների միության անդամ, Խաչատուր Աբովյանի անվան Մանկավարժական համալսարանի պատմության ֆակուլտետի շրջանավարտ Աշոտ Առաքելյանի հետ: Հանդիպումը կկայանա հաջորդ շաբաթ՝ վերջինիս Արցախ մեկնելու պատճառով: Նա ներկայացրեց նաև ակումբի նորեկ Թամարա Նահապետյանին /Մանկավարժական համալսարան/:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Գոռ Բակումյանը /«Հավերժություն»/, Արմենուհի Մելքոնյանը /«Անվերնագիր», «Մայրիկիս»/, Նաիրա Շահինյանը /կարդաց Շուշան Հակոբյանի ստեղծագործությունները/, Թամարա Նահապետյանը /«Անճար հանճարը», «Քանդակեցի սեր անսահման», «Քեսաբահայությանը»/, Սուսաննա ՄարգարՅանը /«Պոլիեթիլենապատ մարդը»/, Թագուհի Պետրոսյանը /«Հիասթափություն»/, Միշա Թադևոսյանը /«Ֆոբիա»/, Նանա Մկրտչյանը /«Նա էր, ես...»/, Աշխեն Մելքումյանը /«Այսօրվա նախաճաշը»/, Մարգարիտա Հովսեփյանը /«Իմ ձեռքերը»/, Իշխան Բադալյանը /«Հայաստան»/: Բոլոր ստեղծագործությունների շուրջ ծավալվեցին քննարկումներ:
Հոկտեմբերի 11-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 72-րդ հանդիպումը:
Հանդիպման սկզբում Տիգրան ՊետրոսՅանցը նշեց, որ ինչպես մեկ տարի առաջ ուղիղ այս օրը՝ հոկտեմբերի 11-ին, այնպես էլ այսօր՝ հոկտեմբերի 11-ին, տոնական օր է: Այսօր նշվում է «Էրեբունի-Երևան» տոնակատարությունը: Նա նշեց, որ այս տոնակատարության սկիզբը համընկել է իր պատանության տարիներին: 9-րդ դասարանում էր, որ առաջին անգամ տեղի ունեցավ տոնակատարությունը: Ինքն էլ մասնակցել է այդ առիթով անցկացված գրական մրցույթին «Էրեբունի» չափածո ստեղծագործությամբ, որի համար արժանացել է խրախուսանքի և որից մի փոքրիկ հատված տպագրվել է այն օրերի «Խորհրդային Հայաստան» թերթում: Նա նշեց, որ տոնը պարտադիր է, գեղեցիկ է և միշտ պիտի նշել:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Աստղիկ Հակոբյանը /«Քառյակներ»/, Աշխեն Մելքումյանը /«Ձեզ», «Իմ երազը»/, Սուսաննա ՄարգարՅանը /«Գետը ծաղկել է»/, Արփինե Լազարյանը /«Գայլային օրենք»/, Քնարիկ Հովհաննիսյանը /«Հայելու առաջ»/, Մարգարիտա Հովսեփյանը /«Ծաղկած խնձորենի»/, Իշխան Բադալյանը /«Քառյակներ»/: Բոլոր ստեղծագործությունների շուրջ ծավալվեցին քննարկումներ:
Արամ Փաշա Մանուկյան - 135 ԱՅՑԵԼՈՒԹՅՈՒՆ ԵՐԵՎԱՆԻ ՔԱՂԱՔԱՅԻՆ ԳԵՐԵԶՄԱՆՈՑ
Հոկտեմբերի 4-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբի 71-րդ հանդիպման ավարտից հետո ակումբի մի խումբ անդամներ Տիգրան ՊետրոսՅանցի գլխավարությամբ այցելեցին Երևանի քաղաքային գերեզմանոց՝ Արամ Փաշա Մանուկյանի հիշատակին խնկարկման արարողության:
Արամ Փաշա Մանուկյանի գերեզմանը և շրջակայքը մաքրվեց: Մեծ հայի, նրա ընտանիքի անդամների շիրիմներին դրվեցին թարմ մեխակներ, կատարվեց խնկարկման արարողություն: Այդ ամենը տեղի ունեցավ Հայաստանի եռագույնի և Արցախի դրոշների տակ՝ հայկական դուդուկի երաժշտության ուղեկցությամբ:
Տիգրան ՊետրոսՅանցը նշեց, որ մեր պատմության երկու հզորագույն անձերի անուններ կարող են դրվել կողք-կողքի՝ Հայոց պետականության հիմնադիր Հայկ Նահապետինը և գրեթե ոչնչից հայոց պետականությունը վերականգնած Արամ Փաշա Մանուկյանինը: Նա կեցցե ասաց Արամ Փաշա Մանուկյանին, Հայոց պետականությանը, Հայաստանին:
Այցից հետո գրական ակումբի անդամ Արմեն Ջորջի Արևելյան սեղանատանը այցի մասնակիցները բաժակ բարձրացրեցին Արամ Փաշա Մանուկյանի հիշատակին:
Հոկտեմբերի 4-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 71-րդ հանդիպումը:
Տիգրան ՊետրոսՅանցը հանդիպման սկզբում ընկերության, ընկերասիրության, ընկերական փոխօգնության, միասնական աշխատանքի, նման աշխատանքի արդյունավետության մասին /նաև ստեղծագործական ծիրում/, բերեց բազում օրինակներ ու կոչ արեց հանդիպման մասնակիցներին սիրել, հանդուրժել իրար, օգնել ու բարձրացնել կողքին կանգնածին և միասնաբար դիմագրավել բոլոր դժվարություններին: Նա նշեց, որ միասնաբար կարելի է հաղթահարել ցանկացած դժվարություն ու հասնել ցանկացած հաղթանակի:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Աշխեն Մելքումյանը /«Նրան», «Ձեզ», «Մյուսին»/, Սերինե Հովհաննիսյանը /«Իմ թաքուն սեր»/, Զոհրապ Բեկյանը /«Հայելուց զգույշ»/, Արփինե Լազարյանը /«Հիվանդասենյակ 113»/, Մարգարիտա Հովսեփյանը /«Մարդը»/, Իշխան Բադալյանը /«Քառյակներ»/: Բոլոր ստեղծագործությունների շուրջ ծավալվեցին քննարկումներ:
Հանդիպման մասնակիցներին տեսաձայնով ողջունեց ու աշխատանքին հաջողություն մաղթեց «Մշակույթի հայկական ֆոնդի» նախագահ, անվանի բանաստեղծ, նկարիչ Արևշատ Ավագյանը և հաջորդ երեքշաբթի օրը «Չորեքշաբթի»-ին հրավիրեց «Ծիր կաթին» ակումբի հանդիպմանը:
Հանդիպման ավարտից հետո ակումբի մի խումբ անդամներ այցելեցին Երևանի քաղաքային գերեզմանոց՝ Արամ Մանուկյանի հիշատակին խնկածխության /կներկայացվի առանձին նյութ/:
Շնորհակալություն պիտի հայտնեմ, որ գրադարանի ու հատկապես ընթերցասրահների աշխատանքին պարբերական անդրադարձ է կատարվում: Այս տարվա փետրվարի 25-ին ես կրկին ներկայացրել եմ գիտական գրադարանի աշխատանքների վիճակի մասին հարցը:
Համալսարանի ղեկավարությունը շարունակելով գրադարանի նկատմամբ առանձնահատուկ վերաբերմունքը, սեպտեմբերի 19-ին գրադարանի ամենահին ընթերցասրահը /բոլորդ էլ հիշում եք բարձրահարկ շենքի 7-րդ հարկի ընթերցասրահը, որն առավել հայտնի էր որպես գիտական թեզերի պաշտպանության հմար կահավորված սրահ/ բովանդակային բացարձակ նոր լուծում ստացավ և վերջին երկու տարիներին շահագործված մյուս ընթերցասրահների նման համալրեց գրադարանի աշխատանքային գործիքային կազմը:
Փաստորեն այս պահին գրադարանը ունի Հայաստանի չափանիշներով չորս ժամանակակից ընթերցասրահ ուսումնական պրոցեսի բաղկացուցիչ օժանդակ կազմակերպման համար, որտեղ տեղադրված ու համացանցին միացված են 46 վերջին սերնդի համակարգիչներ, առկա են տեսալսողական սարքեր և տեխնիկական այլ միջոցներ:
Այս ամառվա ընթացքում ավարտվել է բանասիրական ֆակուլտետի գրապահոցի վերակառուցման աշխատանքները և այն ևս համալրել է գրադարանի սպասարկման գործիքակազմը: Այն որոշ նոր գույքի փոխարինումից հետո կդառնա սպասարկման կարևոր կետ: Ցավոք դրսի դռան վրա հովանոցը չի պատրաստվել և անձրևաջրերը արդեն մեկ տարի լցվում են ներս, իսկ գրադարակների ներքևի շարքը հատակից մոտ 8 սանտիմետր բարձրություն ունի:
Հիմա ըստ ընթերցասրահների սեպտեմբեր ամսին կատարված աշխատանքի մասին:
Ինը հարկանի շենքի երկրորդ հարկի հումանիտար գրականության ընթերցասրահն մնում է ամենաօգտագործելին: Սեպտեմբեր ամսվա անցած չորս շաբաթներին ընթերցասրահն ընդունել է 9430 ընթերցող, որից 1804-ը օգտվել է համակարգիչներից, բոլորը միասին նաև օգտվել է 38556 տպագիր նյութերից /միջինը` 4 տպագիր նյութ/: Այստեղ աշխատում են ոչ միայն ուսանողները, այլ պրոֆեսորադասախոսական կազմի ներկայացուցիչներ, այլ բուհերի ուսանող-ասպիրանտներ և դրսեկ ընթերցող քաղաքացիներ: Բոլորի համար էլ սպասարկման պայմանները նույնն են: Ասեմ, որ այս ընթերցասրահն աշխատել է ամբողջ արձակուրդի ժամանակ, շաբաթվա բոլոր օրերին: Այժմ ընթերցասրահն աշխատում է առավոտյան 9-ից մինչև ժամը 19-ը: Աշխատում է նաև շաբաթ և կիրակի օրերին: Այստեղ թե առավոտյան, թե դասերի ավարտից հետո, մինչև ավտոբուսների մեկնելը, շրջաններից եկած ուսանողները դասապատրաստություն են անցնում:
Մյուս ընթերցասրահներում թեև փորձեցինք, բայց ժամը 17-ից, դասերի ավարտից հետո, ընթերցողներ չմնացին ամիսներ շարունակ և ստիպված եղանք վերադառնալ հին աշխատաժամանակին և աշխատանքն այդ երեք ընթերցասրահներում ավարտել ժամը 17-ին:
Ինը հարկանի շենքի յոթերորդ հարկի բնագիտատեխնիկական գրականության ընթերցասրահի բացումից հետո մեկ շաբաթում ընթերցասրահն ընդունել է 673 ընթերցող, որից 108-ը օգտվել են համակարգիչներից, բոլորը միասին նաև օգտվել են 2695 տպագիր նյութերից /միջինը` 4 տպագիր նյութ/:
Սեպտեմբերի 27-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 70-րդ հանդիպումը:
Տիգրան ՊետրոսՅանցը ներկայացրեց ակումբի նորեկներին` ՀՊՄՀ ուսանողներ Անուշ Շատոյանին /Աշնակ, հեռակա բաժնի 4-րդ կուրս/, Աստղ Հակոբյանին /2-րդ կուրս/:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Անուշ Շատոյանը /նա կարդաց նաև եղբոր, ՀՊՄՀ շրջանավարտ Հմայակ Շատոյանի բանաստեղծությունը/, Արմենուհի Մելքոնյանը, Աստղ Հակոբյանը, Արփինե Գևորգյանը, Աշխեն Մելքումյանը, Քնարիկ Հովհաննիսյանը, Մարգարիտա Հովսեփյանը, Իշխան Բադալյանը: Ստեղծագործությունների շուրջ ծավալվեցին քննարկումներ:
Սեպտեմբերի 20-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 69-րդ հանդիպումը:
Տիգրան ՊետրոսՅանցը շնորհավորեց հանդիպման մասնակիցներին Հայաստանի Անկախության 23-րդ տարեդարձի առթիվ և ընդարձակ խոսք ասաց անկախության, ազգի համար անկախ պետականության, պետականության անհրաժեշտության և դրանով ազգի ինքնարտահայտման միակ ձևի մասին: Հանդիպման երկու տասնյակից ավելի մասնակիցներ իրենց խոսքն ասացին Անկախության տոնի կապակցությամբ և շնորհավորեցին հայ ժողովրդին տարելիցի առթիվ: Դրան հաջորդեց Հայաստանին ու հայ ժողովրդի հավերժությանն ուղղված կենացը:
Հանդիպման «Ստեղծագործական ժամացույց» բաժնում իրենց նոր ստեղծագործությունները կարդացին Նանա Մկրտչյանը, Զոհրապ Բեկյանը, Լիան Մանուկյանը, Աշխեն Մելքումյանը /նաև կարդաց Միշա Թադևոսյանի ստեղծագործություններից/, Մարգարիտա Հովսեփյանը, Վահե Խալաֆյանը, Իշխան Բադալյանը: Ստեղծագործությունների շուրջ ծավալվեցին քննարկումներ:
Հանդիպման ավարտին մասնակիցները շնորհավորեցին Մարգարիտա Հովսեփյանին ծննդյան տարեդարձի առթիվ:
Շնորհավորում եմ Հայաստանի Երկրորդ Հանրապետության Անկախության 23-րդ տարեդարձը:
1991 թվականի սեպտեմբերի 21-ին Հայությունը Միաձայն կատարեց Ընտրություն` ապրել անկախ և ազատ:
Եվ այսօր մենք ունենք կայացած պետականություն:
Վերականգնված պետականությունը հայ ժողովրդի ինքնաիրացման միակ գրավականն է: Եվ մենք պարտավոր ենք այն պահպանել ու ժառանգել ապագա հազարամյակներին:
Տիգրան ՊետրոսՅանց Պատմաբան
ՀՀ ԶՈՒ պահեստի փոխգնդապետ
Կազակական զորքերի գեներալ
«ԶՈՐԱՎԱՐ» հիմնադրամի տնօրեն
Շնորհավորում եմ Հայաստանի Երկրորդ Հանրապետության Անկախության 23-րդ տարեդարձը:
1991 թվականի սեպտեմբերի 21-ին Հայությունը Միաձայն կատարեց Ընտրություն` ապրել անկախ և ազատ:
Եվ այսօր մենք ունենք կայացած պետականություն:
Վերականգնված պետականությունը հայ ժողովրդի ինքնաիրացման միակ գրավականն է: Եվ մենք պարտավոր ենք այն պահպանել ու ժառանգել ապագա հազարամյակներին:
Տիգրան ՊետրոսՅանց Պատմաբան
ՀՀ ԶՈՒ պահեստի փոխգնդապետ
Կազակական զորքերի գեներալ
«ԶՈՐԱՎԱՐ» հիմնադրամի տնօրեն
Սեպտեմբերի 6-ին, շաբաթ օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 67-րդ հանդիպումը:
Տիգրան ՊետրոսՅանցը հանդիպման սկզբում ներկայացրեց ակումբի նորեկներին: Դրանց թվում էին «Հայֆիլմ» կինոստուդիա-դպրոցի 2-րդ կուրսի ուսանողներ Զոհրապ Բեկյանը, Գրիշ Մնոյանը, նախկինում այդ ստուդիայի սան, ներկայում ՀՊՄՀ մասսայական հանդիսությունների ռեժիսուրայի բաժնի 1-ին կուրսեցի Արփինե Լազարյանը, ՀՊՄՀ օտար լեզվի ֆակուլտետի անգլիական բաժնի 3-րդ կուրսի ուսանողուհի Հռիփսիմեն:
Տիգրան ՊետրոսՅանցը խոսեց Հայ ժողովրդի արժանավոր զավակներից մեկի` Հայաստանի նորօրյա պետականության հիմնադիր Արամ Մանուկյանի մասին և ասաց, որ այս տարի լրանում է նրա 135-ամյակը և այդ փաստը, ցավոք, մոռացության է մատնվել օրվա իշխանությունների, կուսակցությունների, հասարակական կառույցների կողմից: Նա կետ առ կետ թվարկեց այն աշխատանքները, որ իր ղեկավարած «Զորավար» հիմնադրամը կատարում է այդ ուղղությամբ:
Հանդիպման երկրորդ` «Ստեղծագործական ժամացույց» բաժնում իրենց նոր ստեղծագործությունները կարդացին Նանա Մկրտչյանը, Վահե Խալաֆյանը, Զոհրապ Բեկյանը, Արփինե Լազարյանը, Մարգարիտա Պետրոսյանը, Մարինա Գրիգորյանը, Միշա Թադևոսյանը, Արփինե Գևորգյանը, Հրաչյան /Ժորա Հակոբյան/: Բոլոր ստեղծագործությունների շուրջ ծավալվեցին քննարկումներ:
Հանդիպման «Մշակութային լուսանցք» բաժնում Սուսաննա ՄարգարՅանը կարդաց Պարույր Սևակի «Ծանոթանանք», Նաիրա Շահինյանը Գևորգ Էմինի «Սասնա պար» ստեղծագործությունները: Հրաչյան կատարեց մի քանի սիրված երգեր, նրան ձայնակցեցին Մարգարիտան, Հռիփսիմեն:
Օգոստոսի 27-ին, չորեքշաբթի օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 66-րդ հանդիպումը: Տիգրան ՊետրոսՅանցը ներկայացրեց ակումբի նորեկ Վարդուհի Գասպարյանին: Վերջինս Մանկավարժականի շրջանավարտ է, ստացել է լոգոպեդի մասնագիտություն: Բայց կյանքը Վարդուհուն տարել է այլ ճանապարհով: Թղթակցելով մամուլին` դարձել է լրագրող-գրող: Արդեն հրատարակել է բանաստեղծական երկու գիրք: Այս օրն էլ նրա համար նշանակալի է: Վարդուհին հրատարակել է նոր գիրք այսօրյա հայրենի երգարվեստի կարևորագույն դեմքերից մեկի` ՀՀ վաստակավոր արտիստ, երգիչ-երգահան Դավիթ Ամալյանի մասին «ԽՈՍՈՒՆ ԼՌՈՒԹՅՈՒՆ» վերնագրով: Վարդուհին սիրով գրքի մեկ օրինակ նվիրում է Մանկավարժականի գրադարանին և օրինակներ ակումբի անդամներին:
Հանդիպման մասին իր «ֆեյսբուքյան» էջում ակումբի անդամ Շուշան Հակոբյանը գրել է. «Չորեքշաբթի» գրական ակումբի հերթական, գեղեցիկ անակնկալներով լի 66-րդ հանդիպումն ինձ համար նշանավորվեց ստեղծագործող, լրագրողուհի Վարդուհի Գասպարյանի հետ ծանոթությամբ: Նա ակումբ էր եկել իր նոր, թվով երրորդ՝ «ԽՈՍՈՒՆ ԼՌՈՒԹՅՈՒՆ» խորագրով գրքով, որը բոլորի կողմից սիրված և գնահատված Դավիթ Ամալյան հայի, նվիրյալ արվեստագետի մասին է, ով ասելիք ունի գալիք սերնդին, ում լռությունն անգամ, վերծվում է խոսուն լռության ...
Գրքում ներառված է նաև Դավիթ Ամալյանի հեղինակային երգերը՝ նոտագրությամբ և խոսքերով:
Խորին շնորհակալություն իմ նորահայտ ընկերոջը՝ Վարդուհուն, ով ինձ դարձրեց այս արժեքավոր գրքի ընթերցողն ու տերը: Մեծ շնորհակալություն նաև «Չորեքշաբթի» գրական ակումբի հիմնադիր պարոն Տիգրան ՊետրոսՅանցին, չորեքշաբթյան իմ օրերը շարունակական ու բովանդակալից դարձնելու համար...»:
Իրենց նոր ստեղծագործությունները կարդացին Իշխան Բադալյանը, Մարինա Գևորգյանը, Արարատ Գևորգը /Արարատ Խաչատրյան/, Նանա Մկրտչյանը, Վարդուհի Գասպարյանը: Բոլոր ստեղծագործությունների շուրջ քննարկումնոր ծավալվեցին: Տիգրան ՊետրոսՅանցը հայրենասիրության, հայրենասիրությունը գրականության ողնաշար դարձնելու և ստեղծագործությունը ապագային ծառայեցնելու գործոնների մասին:
Օգոստոսի 20-ին, չորեքշաբթի օրը, Խաչատուր Աբովյանի անվան հայկական պետական մանկավարժական համալսարանի գիտական գրադարանի «Չորեքշաբթի» գրական ակումբն անցկացրեց իր հերթական 65-րդ հանդիպումը:
Տիգրան ՊետրոսՅանցը ներկայացրեց ակումբի նորեկ Մարինա Գևորգյանին:
Իրենց նոր ստեղծագործությունները կարդացին Լիլիթ Ավագյանը, Նանա Մկրտչյանը, Գայանե Ղազարյանը, Մարինա Գևորգյանը, Արարատ Գևորգը /Արարատ Խաչատրյան/, Իշխան Բադալյանը: Բոլոր ստեղծագործությունների շուրջ քննարկումնոր ծավալվեցին:
Տիգրան ՊետրոսՅանցը կարդաց իր «Տիգրանական մեկդարյա արքայից-արքայություն» դաս-պոեմի սկզբնահատվածը:
Հանդիպումն ամփոփեց Տիգրան ՊետրոսՅանցը:
