Օրերս ամփոփվեց ՀՊՄՀ անեզր տիեզերական գրքերի աշխարհի ուսանողական բաժնի
ընթերցանության արդյունքները: Այո՛, պետք չէ զարմանալ, մեր օրերում էլ
ընթերցասեր հասարակություն և մասնավորապես ուսումնատենչ ապագա մանկավարժներ
կան: Այս բացառիկ միջոցառում-մրցանակաբաշխությունն
արդեն երրորդ տարին է, ինչ իրականություն է դարձնում Գիտական գրադարանի
տնօրեն ՏԻԳՐԱՆ ՊԵՏՐՈՍՅԱՆՑԸ: Աննախադեպ տոնի վերածված այս
մրցանակաբաշխությունը յուրատեսակ է նաև նրանով, որ ներկա են ոչ միայն
ամենաընթերցասերները, այլ նրանց ծնողներն ու բարեկամները, դպրոցի դասղեկը
կամ տնօրենը, ֆակուլտետի դեկանն ու դասախոսները, ինչպես նաեւ անվանի
գործիչներ ու սիրելի գրադարանավարներ:
Եվ այսպես,
ԲԱՆԱՍԻՐԱԿԱՆ ֆակուլտետի "Տարվա լավագույն ընթերցողը” 1-ին կուրսի
ուսանողուհի ՏԱԹԵՎԻԿ ՎԱՐԴԱՆՅԱՆՆ է: ՀՊՄՀ բանասիրական ֆակուլտետի
ուսանողական խորհուրդը սրտանց շնորհավորում է մեր սիրելի ուսանողուհուն եւ
ՇՆՈՐՀԱԿԱԼՈՒԹՅՈՒՆ հայտնում պարոն ՊԵՏՐՈՍՅԱՆՑԻՆ՝ մեզանում գրքի հանդեպ
առավել շատ սեր ու հետաքրքրություն առաջացնելու, մրցակցային, բայց ջերմ
մթնոլորտ ստեղծելու եւ ամենամյա բացառիկ տոնի համար:
